ဇာတ်လမ်းအကျဉ်း
ကြေးစားလူသတ်သမား လီဂျာဂယွန်းရဲ့ သေနတ်ပြောင်းဝဟာ တစ်ခါမှ မလွဲချော်ဖူးတဲ့ သူ့အတွက်တော့ ပစ်မှတ်က ဘယ်လောက်ပဲ လူဆိုးဖြစ်နေပါစေ၊ အလုပ်လက်ခံတယ်၊ သတ်တယ်၊ ပိုက်ဆံရတယ်… ဒါဟာ ပြီးပြည့်စုံတဲ့ နိဂုံးပါပဲ။ သူယုံကြည်တာဆိုလို့ သူ့ရဲ့ အရည်အချင်းနဲ့ ငွေကြေးပဲ ရှိတယ်။
ဒါပေမဲ့ တစ်နေ့မှာတော့ ဒေါ်လာ ၅ သန်း တန်တဲ့ ထူးဆန်းတဲ့ အပ်နှံမှုတစ်ခု ရောက်လာခဲ့တယ်။ တစ်ခုတည်းသော ကတိကဝတ်ကတော့— ကန်အီလ်ဟယွန်းကို သတ်ပြီး သူ့ရဲ့ အာမခံသေတ္တာထဲက ပစ္စည်းတစ်ခုကို ယူဆောင်လာဖို့ပဲ။
ပစ်မှတ်ကတော့ ကိုရီးယားရဲ့ နာမည်ကြီး ရာဇဝတ်ဂိုဏ်းချုပ်ကြီးရဲ့ သား။ မြွေတစ်ကောင်လို စူးရှတဲ့ မျက်ဝန်းတွေရှိတဲ့ ကန်အီလ်ဟယွန်းဟာ ဂျာဂယွန်းအတွက်တော့ သာမန်သားကောင် မဟုတ်ခဲ့ဘူး။ အီလ်ဟယွန်း ခင်းကျင်းထားတဲ့ ကျော့ကွင်းထဲကို ဂျာဂယွန်း ကိုယ်တိုင် ဝင်မိသွားတဲ့အခါမှာတော့…
“ဟောင်ကောင်ကို အလုပ်ကိစ္စနဲ့ သွားတုန်းက အရမ်းစိတ်ဝင်စားဖို့ကောင်းတဲ့ ပုံပြင်တစ်ပုဒ် ကြားခဲ့ရတယ်…”
“မင်းကော အဲ့ဒီပုံပြင်က ဘာလဲဆိုတာ မသိချင်ဘူးလား? တစ်ယောက်ယောက်က ငါ့အိမ်ထဲအထိ လာပြီး ငါ့ကို သတ်ဖို့ ကြိုးစားနေတယ်တဲ့လေ”
အသက်ရှင်ဖို့အတွက် လိမ်ညာရမလား၊ ဒါမှမဟုတ် အလုပ်ကိုပဲ အပြီးသတ်ရမလား? ဘယ်အချိန်မှာ အသေဆိုးနဲ့ သေရမလဲ မသိတဲ့ ယောက်ျားနှစ်ယောက်ရဲ့ အသက်လောင်းကြေးထပ်ပွဲကြီး စတင်ပါပြီ။
