ဇာတ်လမ်းအကျဉ်း
ထာဝရနှင်းတွေ ဖုံးလွှမ်းနေတဲ့ Oldenlandt ရဲ့ အစွန်အဖျားမှာ အေးစက်စက် အရှိန်အဝါတွေနဲ့ ဂရန်းဒူးခ် Giesel Zvendard ဆိုတဲ့ လူတစ်ယောက် ရှိနေပါတယ်။ လူတွေက သူ့ကို “မိစ္ဆာသွေးပါသူ” လို့ ကြောက်ရွံ့ကြပေမယ့် တကယ်တော့ Giesel ဟာ လက်ဖက်ရည်နွေးနွေးလေးတစ်ခွက်နဲ့ တိတ်တိတ်ဆိတ်ဆိတ် စာဖတ်ရတာကိုပဲ နှစ်သက်တဲ့ သာမန်လူတစ်ယောက်ပါ။ ဒီလို အေးချမ်းတဲ့ သူ့ဘဝထဲကို တောင်ပိုင်းက မမျှော်လင့်ထားတဲ့ “သတို့သမီး” တစ်ယောက် ရောက်ရှိလာတဲ့အခါမှာတော့…
ထွက်ပြေးသွားတဲ့ ညီမဖြစ်သူရဲ့ ကိုယ်စား သတို့သမီးအဖြစ် ရောက်လာတာက Rensley Mallosen ဆိုတဲ့ အမျိုးသားတစ်ဦး, ရွှေရောင်ဆံနွယ်တွေနဲ့ နေရောင်ခြည်လို တောက်ပတဲ့ ဒီစစ်သည်တော်လေးဟာ အေးစက်နေတဲ့ ခံတပ်ကြီးထဲမှာ ဆူညံသံတွေ၊ သက်ဝင်လှုပ်ရှားမှုတွေနဲ့ နွေးထွေးမှုတွေကို ယူဆောင်လာခဲ့ပါတယ်။
သူ့ကို လိမ်ညာလက်ထပ်ခဲ့တာမို့ နှင်ထုတ်ပစ်လို့ ရပေမယ့်လည်း သေးငယ်တဲ့ ဂရုစိုက်မှုလေးတွေအပေါ်မှာတောင် ရိုးသားစွာပြုံးပျော်တတ်တဲ့ Rensleyကို Gieselတစ်ယောက် မျက်ကွယ်မပြုနိုင်တော့ပါဘူး။ မိသားစုရဲ့ ပစ်ပယ်ခြင်းကိုခံခဲ့ရတဲ့ Rensleyဟာလည်း Gieselရဲ့ တိတ်ဆိတ်ပေမယ့် နူးညံ့တဲ့ ကြင်နာမှုတွေအောက်မှာ ပထမဆုံးအကြိမ်အဖြစ် “နွေးထွေးမှု” ကို ခံစားလာရပါတယ်။
ဒါပေမဲ့ သူတို့နှစ်ဦးရဲ့ ရင်ခုန်သံတွေကို သတိထားမိလာတဲ့ အချိန်မှာပဲ ခွဲခွာရမယ့်အချိန်က နီးကပ်လာခဲ့ပါတယ်။ တိုက်ကြီးရဲ့ အအေးဆုံးမြေမှာ အနွေးထွေးဆုံးသော အချစ်တွေကို ရှာတွေ့ခဲ့တဲ့ Rensleyတစ်ယောက် Oldenlandtကို တစ်ကျော့ပြန် ပြန်လာနိုင်ပါ့မလား?
ဒီဇာတ်လမ်းလေးက Fantasy ကိုသမိုင်းနောက်ခံဖတ်ရတာ ကြိုက်နှစ်သက်တဲ့ စာဖတ်သူတွေအတွက် လုံးဝမျှော်လင့်ထားသလို အစပ်အဟပ်တည့်စေမှာ အမှန်ပါပဲ
